Deputeti i Partisë Demokratike, Tritan Shehu ka folur ditën e sotme për problematikat në sistemin shëndetësor në një tryezë diskutimi me kreun e PD, Sali Berisha.Shehu deklaroi se sistemi shëndetësor është sistemi më i sofistikuar dhe kompleks që ka krijuar mendja e njeriut.
Ai theksoi se sistemi shëndetësor në Shqipëri është më pak i financuari në Europë. Shehu shtoi se qeveria e Ramës premtoi shëndetësi falas, por ajo është kokëposhtë.
“Fatkeqësisht sot ne të gjithë bashkë, ju të gjithë mjekët që jeni pranë qytetarit, sistemi ynë shëndetësor është larg parametrave dhe objektivave, larg elementëve për të cilët jemi mbledhur për të diskutuar.
Sistemi shëndetësor është me i nënfinancuari në Europë me 2.1 të GDP nga buxheti dhe 0.8 nga kontribute diskete kur mesatarja europiane është 9. Kjo qeveri aktuale premtoi shëndetësi falas, por është kokëposhtë”, tha Shehu.
Shehu theksoi se, shërbimi shëndetësor është i mbushur me korrupsion shtetëror ndërsa përmendi PPP-të korruptive.
“Më i centralizuar se ka qenë në kohën e sistemit komunist. Shembull është drafti i fundit në parlament, ligji për spitalet. Shërbimi shëndetësor është i mbushur me korrupsion shtetëror, mjafton të shohim PPP-të e famshme që kanë krijuar monopole private nacionale të financuara nga shteti, gërryese të sistemit tonë shëndetësor.
Dhe pastaj goditen mjekët, sepse mjekët janë njerëzit më të lirë, ndaj goditen me aq egërsi. Goditen qytetarët, mjekët, goditen për dy arsye, e para për të maskuar realitetin korruptiv shtetëror dhe e dyta për të terrorizuar kolegët tanë”, tha Shehu.
Diskutime rreth kësaj post