Para disa ditësh u nda nga jeta në moshë 56 vjeçare ish presidenti i Shqipërisë, Bujar Nishani. Ai është sjellur nga Gjermania ku po kurohej dhe sot është shpallur ditë zie në vend.
Ish-kryeministri Sali Berisha, nga varrezat e Sharrës, i ka dhënë lamtumirën e fundit ish-presidentit Bujar Nishani. Berisha nuk arriti ta çonte në fund fjalën e tij, pasi shpërtheu në lot pas fjalëve të ndjera për Nishanin.
“Jemi këtu rreth teje të përcjellim me dhimbje të madhe në udhëtimin tënd të përjetshëm të parakohshëm që nis pasi ke ngjitur si rrallëkush shkallët e jetës dhe të detyrës. Megjithëse largohesh nga ne përgjithmonë, për sa kohë ne do jetojmë d mbetesh i gjallë me veprat, finsikërinë, përkushtimin, shërbimet e çmuara ndaj Shqipërisë dhe shqiptarëve.
Me ne mbetet dhe do jetojë gjithmonë Bujar Nishani, njeriu i dashur, atdhetar, shërbëtor i përkushtuar i qytetarëve, demokrat i flakët dhe uximtar, burrështetas fisnik.
Sot këtu para teje ne jemi më të paktë në vete. Odeta ndihet sot më e paktë, më e trishtë se kurrë në jetën e saj për bashkëshortin fisnik që u largua para kohe.
Për Ersin, Fjonën sot është dita më e dhimbshme e jetës së tyre, por ata do jenë krenarë që patën fatin të kenë një baba si ti. Për Baba Faikun sot zija është më e rëndë se toka, por ai përsëri ndihet krenar se rriti një djalë si ti që i zbardhi faqen.
Për të gjithë ne të tjerët që patëm mundësi të njohim e bashkëpunojmë, do mbetesh një burim i pashtershëm frymëzimi dhe do kesh përgjithmonë mirënjohjen.
Dua të shpreh mirënjohje të thellë për familjen tënde dhe për ata që bën gjithçka që ti të mos niseshe në këtë rrugë. U preh në paqe”, tha Berisha.
Diskutime rreth kësaj post