Kryesia e PD-së, ndryshon lista e kandidatëve, cili është emri që është shtuar

Partia Demokratike ka publikuar mbrëmjen e sotme listën e kandidatëve për kryesinë që do të votohet nesër.

Në variantin e parë, lista e publikuar në media ishte me 46 kandidatë, ndërkohë që një variant i dytë i shpërndarë vetëm pak minuta më vonë ishte 47 kandidatë.

Në variantin e dytë ishte shtuar emri i Bardh Spahis, kryetar i Bashkisë së Shkodrës.

Në listë janë kandidatë gjithashtu edhe 13 deputetë të Komisionit të Rithemelimit, si dhe figura të rikthyera tashmë në PD si Jozefina Topalli e Arben Imami.