Presidenti turk Recep Tayyip Erdogan në një deklaratë të ditës së hënë, u shpreh se kryeministri grek Kyriakos
Mitsotakis nuk ekziston më për të se ai pretendon se gjatë vizitës së tij në Shtetet e Bashkuara u përpoq të bllokonte shitjen e avionëve ushtarakë F-16 në Turqi.
“Ne kemi rënë dakord që të mos përfshijmë vende të treta në mosmarrëveshjen tonë. Megjithatë, ai vizitoi Shtetet e Bashkuara javën e kaluar dhe i paralajmëroi në Kongres që të mos na japin një F-16,” tha Erdogan në një konferencë shtypi pas seancës së kabinetit.
“Ai nuk ekziston më për mua. Unë kurrë nuk do të pranoj ta takoj më. Ne do të vazhdojmë me politikanë të nderuar”, shtoi ai.
Turqia i ka kërkuar Shteteve të Bashkuara të blejnë 40 avionë luftarakë Lockheed Martin F-16 dhe gati 80 komplete modernizimi të forcave ajrore, pasi blerja e avionëve F-35 dështoi.
Marrëveshja, me vlerë miliarda dollarë, është ende duke u zhvilluar përmes një procesi të bazuar në një marrëveshje të shitjes ushtarake të huaj që i nënshtrohet miratimit nga Departamenti i Shtetit i SHBA-së si dhe Kongresi i SHBA-së, i cili mund të bllokojë marrëveshjet.
Ankaraja porositi më shumë se 100 avionë F-35, gjithashtu nga prodhuesi amerikan Lockheed Martin Corp, por blerja u pezullua në vitin 2019 pasi bleu sistemet ruse të mbrojtjes raketore S-400.
Diskutime rreth kësaj post