Nis Konferenca e Kryetarëve, deputeti i PD-së shpërthen i revoltuar

Pak më parë ka nisur Konferenca e Kryetarëve për vendosjen e datës së re të raundit të dytë për zgjedhjen e presidentit të ri të vendit.

Deputeti i PD-së, Agron Gjerkmakaj është shprehur me tone të revoltuara gjatë mbledhjes.

“Ky nuk është proces për zgjedhjen e Presidentit të Republikës, po e bën me turp politikën shqiptare.Unë e kam theksuar në mbledhjen e kaluar që mazhoranca nuk ka mandatet për të zgjedhur presidentin, në subjektivitetin tim përpiqem të jem i ndershëm dhe deri tani ngjajmë me të gjithë ata që votuan në 6 mars.

Sido të jenë problemet, opozita përfaqëson gjysmën e popullit shqiptar. Në optikën e dikujt që ka çdo pushtet në duar, propozojmë që këtë punë ta bëjë part time, paradite president pasdite kryeministër. Ne duam një president euroatlantik, nuk kam fare drojë ta theksoj se për fat të keq nga mbi pushteti i socialistëve, euroatlantizmi është e vetmja formë për të rikthyer demokracinë.Do të ishte e udhës që të bëhet presion që presidenti i ardhshëm të jetë një person me integritet, as i opozitës, Ramës apo Metës.”, tha Gjekmarkaj.