Vizita në Tiranë e ish-sekretarit amerikan të Shtetit, Mike Pompeo, nuk është vizitë zyrtare, por po serviret si e tillë nga Ambasada Amerikane dhe qeveria “Rama”. Kështu u shpreh në një intervistë me Skype për MCN, gazetari Robert Papa. Papa tha se qëllimi i vërtetë i vizitës së Pompeos janë interesat e biznesit.
“Di që ka ardhur për të takuar edhe për iranianët. Nuk është krahu i djathtë i Trump. Është në përplasje me të për senatorin Mehmet Oz. Kjo është vizitë me qëllime biznesi, e përdorur nga Ambasada Amerikane. Ky është i vetmi ish-sekretar shteti pro Putinit. Ka kohë që është larguar nga rrethi i Trump.
Më vjen keq që Kim shfrytëzon një ish-sekretar shteti për qëllime politike. Ai po mbledh fonde dhe është i paguar edhe për këtë vizitë. Vizitat me çanta në shpinë dhe atlete nuk janë takime zyrtare. Nuk është njeriu i Trump.
Ai nuk e ka idenë se çfarë ndodh në politikën shqiptare. Natyrisht ai mbështet presidentin e vet. Kjo vizitë ishte për gazin e TEC-it në Vlorë. Ai ka ardhur për të bërë takim me iranianët”, tha Papa.
Diskutime rreth kësaj post