Deputetja e PD-së, Albana Vokshi ka komentuar zhvillimet më të fundit brenda PD-së. Në një intervistë për MCN, Vokshi ndër të tjera u pyet edhe nëse do të vijojë të synojë Berisha që të jetë në krye të PD-së, edhe pse është shpallur non-grata nga SHBA.
Sipas Vokshit, pavarësisht këtij vendimi nga SHBA, me në krye Berishën PD do të rithemelohet dhe ndryshojë.
Berisha është non grata, do vijojë në krye të PD?
Vokshi: PD kishte nevojë për ndryshim, për qarkullim elitash, për afrim intelektualësh, për një tjetër frymë. Kush e ka sjellë këtë ndryshim. Jo çdo gjë e keqe vjen për keq. Pavarësisht “non gratës” në Foltore të gjithë kanë gjetur hapësirën për të folur. Me në krye Berishën PD mund të rithemelohet dhe të ndryshojë.
Keni folur për hapje por s’kemi parë parti ti afrohen?
Vokshi: Ne e kemi parë ndër vite Berishën dhe kemi parë se si i ka shtrirë dorën çdokujt që ka pasur mendim ndryshe. Kemi parë që në vite të ndryshme decizive jo vetëm afrojë ata që ishin larguar por krijoi edhe atë që ka pasur rol të rëndësishëm, solli të rinj me eksperiencë, profesionistë që sollën eksperiencën e tyre. Protesta e 20 dhjetorit kishte në fokus jo vetëm Open Balkan, por edhe vjedhja me inceneratorët. Dëshmuam se mbajmë fjalën e dhënë.
Diskutime rreth kësaj post