Situata në Partinë Demokratike e ndarë në dy kampe tashmë, mes Sali Berishës dhe Lulzim Bashës është e trishtueshme. Kështu tha i ftuar në emisionin ‘Sot Live në Shqipëri’, në Report Tv deputeti i PD-së Dash Sula, i cili përsëriti që të gjithë demokratët të bëhen bashkë dhe të gjendet mundësia që palët të ulen, pasi ky konflikt po i sjellë dëm opozitës në tërësi.
Si zgjidhje për përplasjen, Dashnor Sula propozon që të gjithë bashkë, ato që janë rreshtuar me Berishën dhe ato me Bashën, të mblidhen brenda selisë së PD-së për disa ditë, siç mblidhen kardinalët kur zgjidhet Papa në Vatikan dhe t’i jepet fund krizës.
Deklarata e Sulës:
‘Situata është vërtetë e trishtueshme. Partia Demokratike, kam apeluar gjithmonë, duke filluar nga Berisha dhe Basha dhe gjithë njerëzit që ndodhen pas Bashës e Berishës, të gjendet mundësia që palët të ulen gjakrat sepse jo vetëm PD-së ky konflikt i sjellë dëm, por opozitës në tëresi por në radhë të parë gjithë Shqipërisë.
Pa një opozitë të fortë, pa një opozitë të konsoliduar ndodh kjo gjendje. Uroj dhe shpresoj dhe dua të shpresoj që punë ditësh të kthehet një gjendje normalitetit. Jo se jam rreshtuar në krah të Bashë por jam rreshtuar krah institucionit të PD-së.
Zgjidhja për mua do të ishte se unë kam bërë një deklaratë që nga dora ime nuk do të votoj për largime të demokratëve për sëri gjej rastin ti bëj apel Berishës sepse ai e ka në dorë të gjithë situatën për ta zgjidhur. Por është e pafalshme për çdo demokrat që ne të linçojmë njëri tjetrin. Pikë bashkimi, për mua ka!
Por duhet vullnet i fortë të çlirohemi brenda maktheve që kemi dhe të gjejmë mënyrën për të dalë nga kjo situatë. Kjo situatë zgjidhet vetëm duke u mbledhur 1 ditë, 2 ditë , 1 javë brenda një sallë siç mblidhen kardinalët për zgjedhjen e Papës në Vatikan dhe kur del tymi i bardhë dhe aty gjendet zgjidhja. Të dali tymi i bardhe brenda PD-së deri kur të gjendet zgjidhja!’– tha Sula.
Diskutime rreth kësaj post