“Është koha t’i lëmë pas llogoret e sherrit politik”, kryeministri Rama komunikon vendimin më të fundit që ka marrë sot qeveria

Kryeministri Edi Rama ka komunikuar sot vendimin më të fundit të qeverisë. Rama njofton se qeveria ka vendosur t’i dërgojë një pyetësor çdo shqiptari.

Postimi i plotë:

“VENDIM I QEVERISË SOT

Në prag të një Viti të Ri mundësish të reja, Qeveria vendosi t’i japë jetë një nisme të re demokratike, duke hapur procesin gjithëpërfshirës të Këshillimit Kombëtar për Shqipërinë. Me një pyetësor drejtuar çdo shqiptari, në Shqipëri apo në botë, do të zhvillojmë një kuvendim popullor, ku duam mendimin tuaj mbi çështje me rëndësi strategjike për vendin, ekonominë, shoqërinë.

Eshtë koha t’i lemë pas llogoret e sherrit politik që të hedhim hapa të mëdhenj përpara, duke u këshilluar së bashku për vendime me rëndësi politike, ekonomike e sociale.

Le të dëgjojmë njëri-tjetrin si njerëz të këtij vendi të bekuar, si shqiptarë e shqiptare që na ndajnë shumë gjëra, po na bashkon flamuri kuqezi dhe e ardhmja e fëmijëve tanë pa dallim????????

#ShqipëriaEArdhmjaJonë

#SkaKohëPërPushim” tha Rama.