Partia Demokratike është e ndarë në të Bashës e të Berishës dhe mes akuzave dhe kundërakuzave që vijnë për palët, Luçiano Boçi ka zgjedhur që të mos pozicionohet krejtësisht në një krah, por sjell një opsion për zgjidhje të kësaj situate. Ai tha se Basha dhe Berisha duhet të përballen me votë me njëri-tjetrin.
Për deputetin demokrat Luçiano Boçi, i avantazhuari në këtë garë është krydemokrati Lulzim Basha, kjo sepse përballë ka një kundërshtarë të shpallur ‘Non Grata’ e që sipas tij Basha duhet ta shfrytëzojë në të mirë të tij.
“Unë në një garë mezi do të prisja që të kisha një kundërshtarë që është Non Grata dhe në fund do të jetë anëtarësia ai që do të votojë, kur kundërshtari e ka këtë të metë, kur është pakicë, prano garën, ky është rasti për ta tejkaluar Berishën, shfrytëzoje që Berisha është Non Grata”, u shpreh deputeti për Report Tv.
Diskutime rreth kësaj post