Lulzim Basha është pyetur sërish mbi atë se çfarë i kanë thënë amerikanët në takimet që ka zhvilluar pas shpalljes non-grata të ish-kryeministrit Sali Berisha, çka solli dhe vendimin për pezullimin e tij nga grupi parlamentar i PD.
I ftuar në ‘real Story’, Basha tha se amerikanët i kanë bërë të qarta qëndrimet e tyre dhe tashmë ajo dihet se për çfarë akuzohet ish-kryeministri Berisha.
“Konteksti i ri nuk ndryshon asgjë në ato fakte që janë fakte dhe jo opinione. SHBA-të kanë folur qartë në një vendim publik për arsyet që z. Berisha është shpallur ‘non grata’. Kanë folur dhe më qartë që procesi ka nisur në administratën Trump, kanë folur qartë kur kanë thënë që është një punë e përbashkët e disa agjencive. E kam shprehur në takimet e mia se qëndrimi i pandryshueshëm i PD-së i shpallur nga unë është pacenueshmëria e integritetit territorial të Kosovës. Këtu mendoj që mbaron dhe kjo story. E vetmja gjë që kemi pasur në dorë, ishte vendimi për PD. Kishte dy rrugë, njëra që e çonte PD-në drejt një partie non grata dhe tjetra që u konfirmuar nga 5004 delegatë të shtunën, PD do të vazhdojë rrugën drejt së ardhmes, për hir të të gjithë shqiptarëve dhe familjeve shqiptare’, deklaroi Basha.
Diskutime rreth kësaj post