A do të shkarkohet Basha? Ish-deputeti i PD-së me bindje të plotë: Kuvendi i 11 dhjetorit është historik

Ish-deputeti i PD-së Klevis Balliu ka folur për Kuvendin e 11 dhjetorit. Balliu theksoi se Kuvendi i datës 11 është historik, duke shtuar se Basha ka shitur PD-në dhe interesat e partisë e se do të shkarkohet.

Deklarata e Balliut:

“Kuvendi i 11 dhjetorit është historik, sepse për herë të parë dëgjohet baza e partisë. Më datë 18 kemi antiKuvend të PD-së. Asnjë kërcënim dhe presion nuk e ndal uraganin, që quhet sot Foltore. Gazmend Bardhi është në një zyrë të vjedhur. Gazmend Bardhi nuk është as Sekretar i Përgjithshëm, sepse nuk ka votat. Lulzim Basha ka bashkëpunuar me Ramën dhe nesër do të shkarkohet. Kryesia e PD është ilegjitime.

Lulzim Basha nuk na thotë se pse do ta mbajë Kuvendin në datën 18 dhjetor. I bie që po e mban Kuvendin vetëm për vetveten. Basha është peng i Ramës. Basha ka shitur PD-në dhe do shkarkohet. Lulzim Basha nuk bën zgjedhje, sepse e di se shumica e delegatëve janë pro Sali Berishës, andaj refuzon që të bëjë votime. Nesër do jem në Kuvendin e 11 dhjetorit, sepse është i vetmi dhe real i PD-së. Pas shkarkimit të Bashës, vjen shkarkimi i Ramës”, deklaroi Balliu.