Dega e Partisë Demokratike Berat, lexon listën e emrave të delegatëve që kanë firmosur për 11 dhjetorin

Dega e Partisë Demokratike në Berat, ka lexuar dhe zyrtarizuar emrat e delegatëve, të cilët kanë firmosur për Kuvendin e 11 dhjetorit, që do të zhvillohet nga ish-kryeministri Sali Berisha.

Mësohet se gjithsej kanë firmosur 125 delegatë, nga 198 që ka Berati. Pra, sipas një përllogaritje, rezulton se 63% e delegatëve të Beratit kanë firmosur për Kuvendin e 11 dhjetorit, që do të zhvillohet në “Air Albania”, në Tiranë.

Lista me emrat e delegatëve, u lexua nga përfaqësues të degëve përkatëse përpara selisë së Partisë Demokratike Berat.

Mësohet se nga dega e Poliçanit kanë firmosur 12 nga 34 dhe nga dega Dimal kanë firmosur 21 nga 46.

Kujtojmë se kryetari aktual i Partisë Demokratike, Lulzim Basha, ka thirrur Kuvendin me 18 dhjetor, një javë pas Berishës