I pazëvendësueshëm për Interin për nga rëndësia që ka në fushë dhe në dhomat e zhveshjes, Marselo Brozoviç është tema më e nxehtë e ambientit zikaltër.
Kontrata që skadon në qershor dhe akordi i munguar e kanë bërë diskutimin mes palëve të vështirë gjatë kësaj kohe, por duket se më në fund ujërat janë qetësuar dhe kroati është shumë pranë firmës.
Në takimin e parë të ndodhur dy javë më parë, oferta e klubit ishte ndalur në 5 milionë, ndërsa mesfushori kërkonte 7 të tilla.
Tani palët janë pranë gjetjes së një rruge të mesme dhe në takimin e programuar për javën tjetër, shifrat kanë ndryshuar. 5.5 milionë euro në sezon plus bonuset për 4 vitet e ardhshme është propozimi i riformuluar i drejtuesve që me një total prej 6 milionë eurosh, kënaq edhe xhepat e lojtarit dhe është një rritje e konsiderueshme e 4 milionë eurove që përfiton aktualisht.
Në rast të dakordësisë në javën e ardhshme, zyrtarizimi pritet pas ndeshjes me Real Madridin, por në mes mund të hyjë një tjetër klub, ku Bajerni i Mynihut ka shfaqur interesin e tij për Brozoviçin dhe është gati t’ia plotësojë atij dëshirën ekonomike fillestare duke i ofruar 6.5 milionë euro plus bonuset.
Nagelsman e vlerëson xhevahirin e mesfushës, pa harruar që edhe PSG-ja është gjithmonë në ndjekje të tij. Gjithsesi, kroati duket se po i reziston tundimit dhe do t’i japë një hans Interit.
PERISIÇ –:“Çdo gjë është e mundur”, është shprehur Ivan Perisiç kur u pyet për rinovimin. Mbrojtësi që kishte mbyllur çdo urë diskutimi me zikaltrit duket se ka bërë një kthesë 360 gradë.
Pas paraqitjeve të shkëlqyera, klubi ka vendosur të rrisë ofertën e tij (që përsëri është më pak se paga aktuale) në 4 milionë euro, për një kontratë 2-vjeçare me opsion për të tretin. Kroati fiton 5 milionë euro nga kontrata që i skadon në qershor, por në moshën 32-vjeçare oferta e Interit duket joshëse dhe Perisiç duket se po e mendon seriozisht firmosjen.
Diskutime rreth kësaj post