Gazetarja e politikës në Syri Tv, Ambrozia Meta, ka komentuar krizën që po kalon Partia Demokratike, ku shkruan se Lulzim Basha duhet të largohet i turpëruar dhe për këtë mjafton analiza e dy fakteve konkrete.
Nëpërmjet një një postimi në rrjetet sociale, gazetarja kujton si e la Basha jashtë listave në 2017-ën kryetarin e FRPD, Belind Këlliçi, edhe pse kishte premtuar se 35% e kandidatëve të PD, do të ishin nga Forumi i të rinjve.
Pasi e shtyu me dy vite mandatin e organeve drejtuese te Forumit, papritur vendosi të premten të zhvillonte Zgjedhjet për kryetarin e ri të FRPD, pasi Belind Këlliçi vendosi t’i bashkohej Foltores së ish-kryeministrit Sali Berisha.
Dy ngjarje këto që sipas gazetares, tregojnë se ai duhet të ikë nga politika i poshtëruar dhe jo me dinjitet.
Reagimi i plotë:
“Ishte pranverë e vitit 2017. Të premten e 26 majit, në atë ditë të ngjeshur negociatash, Lulzim Basha e kishte thirrur Belind Këlliçin në zyrë për te diskutuar mbi listat e kandidatëve për deputetë nga radhët e FRPD.
Basha i kishte shpjeguar bashkëpunëtorit të tij prej shumë vitesh, se përfshirja e PR-së dhe LZHK-së në listat e Tiranës, e kishte ndërlikuar situatën. Megjithëse, kishte premtuar në atë fushatë se 35 % e kandidatëve, do ishin nga radhët e FRPD, Basha e la jashtë liste, kryetarin e saj.
Për të shlyer borxhin politik, ndaj tij dhe shumë të rinjëve, që ishin zvarritur nëpër sheshe, në mes të gazit lotësjellës, ishin çuar në komisariate dhe ishin k*ërc*ënuar në Ambasada, Lulzim Basha e shtyu me dy vite, mandatin e organeve drejtuese të FRPD.
Deri këtë të premte, kur në rrethet mediatike dhe politike, u hap fjala se Belindi dhe shume të rinj të forumit, do t’i bashkoheshin foltores së Sali Berishës, të dielën e 7 nëntorit.
Janë dy ngjarje në kohë të ndryshme, që provojnë njeriun dhe politikanin që Lulzim Basha është. Prandaj ai duhet të iki nga politika jo me dinjitet por vetëm i poshtëruar”, shkruan gazetarja.
Diskutime rreth kësaj post