Monika Kryemadhi kundër bashkëqeverisjes: Cënon jetën dhe demokracinë e institucione tona

Kryetarja e LSI, Monika Kryemadhi ka kritikuar ligjin për bashkëqeverisjen të maxhorancës , pasi sipas saj sjell mbivendosje kompetencash.

Kryemadhi kërkoi rikthimin në normalitet të kuvendit, ndërsa tha se ka ardhur koha për një sindikatë të administratës publike.

Deklarata e Kryemadhit:

“Në 2013 kemi miratuar ligjin për nëpunësin civil. Kjo agjenci nuk sjell gjë tjetër veçse një mbivendosje. A është kodi i punës mbi statusin e nëpunësit civil, mbi autonominë vendore? Mos ka ardhur koha për një sindikatë të administratës publike?

A do të ishte e nevojshme krijimi i një sindikate që mos krijohej një agjenci e tillë që përveç kostove në buxhet. Neni 52 cënon autonominë vendore. I bie që institucionet tona të llogaridhënies e kontrollit nuk ekzistojnë. Një tjetër nen nxjerr jashtë loje ‘bilbilfryrësit’.

Një nga pikat më të rëndësishme, kjo agjenci heq të drejtën e ankimit në administrative, kujtdo individi që ankimohet në këtë agjenci.

Koha e përgjigjes është 30 ditë, pra nuk i lëmë më shumë se 5 ditë për ankimim. Ky pr/ligj cënon shumë në jetën dhe demokracinë e institucioneve tona.

Ajo që do të theksoja e rekomandoja, do të ishte mos ka ardhur koha që kjo agjenci të kthehej në agjencinë të të gjithë ligjeve që ne miratojmë. Mungesa e një institucioni të tillë është e domosdoshme.” u shpreh Kryemadhi.