Enkelejd Alibeajn e bëjnë gabimisht kryetar Kuvendi, plasin të qeshurat në Komisionin e Ligjeve

Në Komisionin e Ligjeve kanë plasur të qeshurat. E gjithë situata u krijua nga një gabim i sekretares, e cila e kishte bërë Enkelejd Alibeajn Kryetar Kuvendi.

Pjesë nga mbledhja:

Bardhyl Kollçaku: Mendoj se te rregullorja duhet bërë një shtesë e vogël. Kemi thënë te koka. Republika e Shqipërisë, Kuvendi. Dhe në fund themi kryetari Enkelejd Alibeja. Që në terma juridike i bie që ju të jeni kryetar i Kuvendit. Unë uroj që ta keni këtë ambicie. (Të qeshura në sallë)

Enkelejd Alibeaj: Unë nuk e kam këtë lloj ambicie. Ua them publikisht. Z.Kollçaku.

Kollçaku: Mendoj se duhet theksuar dhe saktësuar që bëhet fjalë për kryetarin e komisionit hetimor

Alibeaj: Mendoj se është një gabim i sekretarisë. Meqë jemi kështu i biem në qafë më të dobëtit, që është sekretaria në këtë rast. E kuptoj se ka një kërkesë për të ruajtur imazhin e pacënuar të Kuvendit të Shqipërisë. (Të qeshura në sallë)