Demokrati ‘gati për luftë’, i bën thirrje ‘live’ Sali Berishës: Na prij, ta fshijmë Edi Ramën nga pushteti

Foltorja” e ish-kryeministrit Sali Berisha është zhvendosur këtë të martë në Peshkoi. Një demokrat tha se është gati për luftë’.

Ai i ka kujtuar Berishës shprehjen e viteve më parë se “me 40 nga Mamurrasi marr qeverinë”. Sot sipas tij janë 840 për të zhdukur Ramën.

“Ke pas thënë duikur në 98 kur u vra Azem Hajdari që me 40 nga Mamurrasi je gati ta marrësh qeverinë. Ne jemi gati jo me 40 por me 840 ta marrim qeverinë e Edi Ramës dhe ta zhdukim nga faqja e dheut. Krejt këto që ke këtu ke hallexhinjtë, fukarejtë, që kanë dhënë votën për PD. Ata që kanë ngrëne e kanë pirë nuk janë në këtë sallë. Të uroj jetëgjatësi dhe Lulzim Bashën një sekondë e më parë ta zhdukim nga faqja e dheut”, tha demokrati nga Dibra.