Shërbimi Meteorologjik i Ushtrisë, ka bërë një paralajmërim të fortë për ndryshimin e motit javën e ardhshme të cilin e kanë cilësuar befasues. Kjo për shkak se në Mesdhe shihet tendenca e ardhjes së rrymave më të ftohta nga veriu i Europës.
“Moti në vend përgjithësisht parashikohet me reshje shiu të cilat do të jenë të herëpashershme. Reshjet në intervale të caktuara kohore gjatë së henës e të enjtes do të marrin karakter rrebeshesh.
Po kështu, gjatë së enjtes parashikohen reshje dëbore në veri e verilindje të vendit që përkojnë më dëborën e parë të këtij sezoni. Ndikuar nga temperaturat në rënie dëbora do të prekë përveç majave të maleve dhe lartësi deri në 900m në këto zona.
Tipar tjetër i rëndësishëm gjatë javës do të jetë dhe era e vrullshme me drejtim juglindje –verilindje. Në brigjet detare, ajo do të jetë e fortë kryesisht ditën e enjte duke sjellë dhe shtim të dallgëzimit deri 5 ballë. Temperaturat do të pësojnë rënien kryesisht në mëngjes e në mbrëmje” – thuhet në njoftimin e Shërbimit Meteorologjik të Ushtrisë.
Diskutime rreth kësaj post