Ish deputetja, Albina Deda tregon se çfarë e priste Bashën nëse do të hidhte në votim vendimin për përjashtimin e Berishës

Ish-deputetja e PD, Albina Deda, u shpreh se vendimi i Lulzim Bashës për ish-kryeministrin Sali Berisha, ishte një vendim pa ndërgjegje dhe personal.

Sipas Dedës nëse Basha do të hidhte në votim vendimin për përjashtimin e Berishës ai nuk do të arrinte të siguronte mjaftueshëm vota për të përjashtuar ish-kryeministrin.

“Jam mbështetëse e Sali Berishës deri në 2013 dhe tashmë jam në çdo hap me zotin Basha. Ne nuk morëm dot votat, ne kemi hyrë në zgjedhje me humbje. Pas vendimit të Bashës, demokratët kishin humbur zgjedhjet, nuk krijonte dot besim dhe elektorat dhe erdhi momenti që Ambasada Amerikane ndërhyri.

Basha dha vendimin personal dhe tha ndër të tjera që është i shantazhuar pra është një kryetar që shantazhohet. Ne nuk jemi kundër vendimit të amerikanëve, nëse ata kanë fakte ti sjellin. Kur nuk ka një fakt të vetëm, ne do ta mbrojmë zotin Berisha. Nuk ka mundësi zoti Basha të marrë vota aq sa Berisha nëse do ta hidhte në forum për votim, këtë ta them me siguri. Ka qenë një vendim pa ndërgjegje dhe personal.”, u shpreh Deda për MCN Tv.