Ish-ministri i Drejtësisë, Ylli Manjani, ka reaguar lidhur me paralajmërimin e Partisë Demokratike se do të padisë për shpifje Evi Kokalarin pasi kjo e fundit deklaroi se Basha ka dosje në SHBA për lobim.
Në një postim në Facebook, Manjani thotë se kjo është çështje personale e Bashës dhe PD ngatërrohet kot me këtë punë.
Postimi i plotë:
“PD do padisë zonjën Kokalari për shpifje?!
Ou?!
Po mesa lexova ajo nuk ka thënë asnjë të keqe për PD. Kishte folur për një deal që qenka bërë diku për të përdorur një provë kundër Lulit si shantazh, me qëllim që ky i fundit të përjashtojë Berishën.
Kishte premtuar gjithashtu se nëse Basha merr vizë Amerikane, do jetë prova e deal-it dhe se si Amerikane do protestonte në Kongresin e shtetit të vet.
E kuptoj që për Lulin PERSONALISHT është e rëndë, po PD ç’hyn këtu?!
Askush se akuzoi PD as për financime të paqarta e as për përjashtime deputetësh. Për të dyja akuzohet personalisht Luli. Ai i kishte vendim të jetës së tij, jo të PD!!
Ndaj PD ngatërrohet kot me këtë punë.
Meqë ra fjala, nëse vërtetë ka një deal për t’iu fshehur drejtësisë, ato deklaratat për drejtësinë e re e për luftën kundër korrupsionit, t’u pijnë lëngun ata që i bëjnë…
Gjithmonë nëse është e vërtetë…”, ka shkruar ai.
Diskutime rreth kësaj post