Partia Demokratike ka njoftuar se takimet e Bashës me krerët e degëve kanë pasur fokusin për konsultimet për Reformën Territoriale, që është një nga prioritetet e PD-së në këtë sezon të ri politik.
Në mënyrë indirekte “selia blu” ka përgënjeshturar akuzat se Lulzim Basha po bën presion ndaj krerëve të degëve që të bojkotojnë takimet e ish kryeministrit Berisha me anëtarët e PD nëpër rrethe.
“Takimet e Bashës me drejtuesit e degëve të Partisë Demokratike, ndër të tjera, kanë pasur në fokus konsultimet për Reformën Territoriale, që është një nga pritoritetet e PD-së në këtë sezon të ri politik. Sipas PD-së, ndryshimet e vitit 2014, të bëra për llogari elektorale, rezultuan një dështim, kostot e të cilit i paguajnë qytetarët. Me porosi të Bashës, krerët e degëve të PD-së do të mbledhin propozimet e anëtarësisë, grupeve të interesit dhe të qytetarëve, për të adresuar në mënyrë sa më gjithëpërfshirëse ndryshimet e nevojshme për një pushtet lokal pranë qytetarëve dhe në shërbim të tyre”, thuhet në njoftimin e PD.
Diskutime rreth kësaj post