Ylli i popit me famë botërore Britney Spears zuri vendin e parë në sondazhin e këtij viti “TIME100”, në të cilin revista “TIME” u kërkoi lexuesve të saj të votojnë për atë që ata mendojnë se duhet të shpallej personi më influencues i vitit. Gati 1.8 milion vota u mblodhën në total, me Spears që fitoi 4% të votave.
Artistja e famshme dominoi lajmet këtë vit pasi një fushatë e udhëhequr nga fansat e saj për t’i dhënë fund kujdestarisë 13-vjeçare të babait të saj, bëri që njerëzit në të gjithë botën të thërrisnin #FreeBritney.
Punonjësit e Shëndetësisë vinin pas Spears në vendin e dytë me 3.1% të votave, pasi viti i dytë i pandemisë COVID-19 vazhdon të rrezikojë jetën në të gjithë botën. Por përparimi që është bërë në luftën kundër virusit u reflektua në fituesit e vendit të tretë.
Prodhuesit e Vaksinave, të cilët mblodhën 2.5% të votave të lexuesve. Grupi K-pop BTS ndoqi në vendin e katërt me 2.1%, pasi kishin fituar më parë “TIME100” 2019 dhe 2018. Simone Biles, gjimnastja më e dekoruar e të gjitha kohërave, doli e pesta me 2% të votave.Redaktorët e revistës TIME kanë shpallur fituesit përfundimtarë të “TIME100” dhe lista e plotë do të shpallet të mërkurën, 15 shtator.
Diskutime rreth kësaj post