Talebanët kanë shpallur një qeveri të përkohshme për të drejtuar Afganistanin, e cila do të udhëhiqet nga një prej themeluesve të tyre dhe me një militant të kërkuar nga FBI si ministër i Brendshëm.
Qeveria do të udhëhiqet nga Mullah Mohammad Hassan Akhund, me bashkëthemeluesin e talebanëve Mullah Abdul Ghani Baradar, u tha një zëdhënës gazetarëve të huaj. Abdul Ghani Baradar do të jetë nënkryetar dhe Sirajuddin Haqqani është emëruar si ministër i Brendshëm
“Ne e dimë që njerëzit e vendit tonë kanë pritur për një qeveri të re,” shtoi zëdhënësi Zabihullah Mujahid.
Talebanët morën nën kontroll pjesën më të madhe të vendit më shumë se tre javë më parë, më 15 gusht. Njoftimi i kabinetit në detyrë është një hap kyç në formimin e një qeverie talebane.
Sarajuddin Haqqani, ministri i ri në detyrë i brendshëm, është kreu i grupit militant të njohur si rrjeti Haqqani të cilët janë të lidhur me talebanët dhe janë përgjegjës të disa prej sulmeve më vdekjeprurëse në luftën dy dekadëshe të vendit.
Diskutime rreth kësaj post