A ka pakënaqësi brenda PS-së pas ndryshimeve më të fundit që bëri Edi Rama? Gjiknuri flet hapur dhe nxjerr prapaskenat

Damian Gjiknuri, tashmë Sekretar i Përgjithshëm i PS, ka folur për mediat paraditen e sotme pas një takimi që është zhvilluar në selinë rozë.

I pyetur për pakënaqësitë brenda Partisë, Gjiknuri u shpreh se deri tani në selinë rozë nuk ka asnjë kërkesë të strukturuar, por theksoi se mund të ketë “ndonjë mos-realizim pritshmërish”.

“Nuk e di pakënaqësinë, sepse unë nuk kam dëgjuar ndonjë pakënaqësi të strukturuar. Natyrshëm që brenda një organizate ka pritshmëri të ndryshme. Mund të ketë ndonjë mos-realizim të ndonjë pritshmërie, por ky është një proces që do vazhdojë dhe do fashitet rrugës. PS ka kaluar aq prova dhe më parë sa të mbajë të gjithë ekuilibrat e nevojshëm dhe të nxjerr më të mirën e saj”, – u shpreh ai.

Për të ardhmen e PS, Damian Gjiknuri u shpreh: Puna ku duhet të bazohet PS do të jetë një garanci e fortë, që kjo parti të mbetet partia lider në politikën shqiptare.