Komandanti i Forcave Qendrore të Shteteve të Bashkuara të Amerikës (CENTCOM), gjenerali Kenneth McKenzie njoftoi se ka përfunduar tërheqja e forcave amerikane nga Afganistani.
Kenneth McKenzie doli para kamerave me zëdhënësin e Departamentit të Mbrojtjes (Pentagon), John Kirby për të njoftuar përfundimin e pushtimit 20-vjeçar të vendit të tij në Afganistan.
“Në fund të misionit ushtarak për të evakuuar qytetarët amerikanë dhe afganët të kërcënuar, unë jam këtu për të njoftuar përfundimin e tërheqjes sonë nga Afganistani. Avioni i fundit C-17 u ngrit nga Aeroporti Ndërkombëtar i Kabul “Hamid Karzai” në 3:29 pasdite sipas kohës së Uashingtonit, ose një minutë para mesnatës në Kabul“, tha McKenzie.
Ndërkohë, pasi Kenneth McKenzie njoftoi se tërheqja e forcave amerikane nga Afganistani kishte përfunduar, Presidenti amerikan Joe Biden bëri një deklaratë me shkrim.
“Tani, prania jonë ushtarake 20-vjeçare në Afganistan ka përfunduar.” U shpreh Joe Biden në mesazhin e tij.
Më 29 shkurt 2020, administrata amerikane ishte zotuar të tërhiqte të gjithë trupat e saj nga Afganistani deri më 1 maj 2021, si pjesë e marrëveshjes me talibanët në Doha, kryeqytetin e Katarit.
Por Joe Biden, i cili mori detyrën si President i SHBA më 20 janar 2021, njoftoi se tërheqja nuk do të arrinte deri në afatin e 1 majit, dhe më pas njoftoi se tërheqja do të përfundonte deri në përvjetorin e 11 shtatorit. Duke rrethuar kryeqytetin Kabul, talebanët morën kontrollin e qytetit pa konflikt pasi Presidenti Ashraf Ghani u largua nga vendi më 15 gusht.
Diskutime rreth kësaj post