Sipas një studimi, ndotja e ajrit mund të përkeqësojë problemet e shëndetit mendor, shkruan kathimerini. Studimi, i cili përfshiu 13,000 persona nxori në pah se rritja e nivelit të dioksidit të azotit në atmosferë rrit me 32% shanset për të vuajtur nga probleme të shëndetit mendor dhe me 18% rrezikun e shtrimit në spital.
Studimi përfshiu gjithashtu numrin e pacientëve të shtruar në spital dhe numrin e vizitave tek mjekët. Rritja e nivelit të ndotjes lidhet gjithashtu me rritjen e vetëvrasjeve dhe incidencën e sëmundjeve të shëndetit mendor.
Hulumtime të tjera kanë treguar se ndotja e ajrit shkakton humbje të inteligjencës dhe lidhet me demencën. Një studim global i vitit 2019 raportoi se ndotja dëmton çdo organ në trupin e njeriut.
Banka Botërore tha se kostoja shëndetësore për shkak të ndotjes së ajrit arrin në 5 trilionë dollarë në vit.
Diskutime rreth kësaj post