Talebanët po u bëjnë thirrje afganëve të qëndrojnë dhe të rindërtojnë vendin e tyre, por gjithashtu kanë thënë se, nuk do t’i pengojnë të largohen, nëse kanë dokumentacionin e duhur, tha një zëdhënës për BBC.
Suhail Shaheen tha se njerëzit ende mund të largohen me fluturime komerciale pas afatit që trupat e huaja të largohen deri më 31 gusht.
Ai tha: “Ne nuk po pengojmë rrugën e tyre nëse ata kanë një pasaportë të lëshuar, ata mund të ikin në fluturime komerciale në çdo kohë. Ne duam që ata të qëndrojnë në vend, por nëse kanë ndërmend të shkojnë, ata munden, nëse kanë dokumentet e duhura”.
Por, theksoi se do të kishte “pasoja” nëse forcat e huaja do të qëndronin përtej 31 gushtit. Zëdhënësi taleban nuk sqaroi se çfarë do të thoshte kjo, duke thënë vetëm se udhëheqja talebane do të vendoste.
Anëtarët e G7 do të takohen praktikisht nesër për të diskutuar nëse do të përpiqen të zgjasin afatin e 31 gushtit mes skenave kaotike në aeroportin e Kabulit.
Diskutime rreth kësaj post