Festa e Birrës së Korçës po paraprihet nga komente të shuma dhe e gjithë zhurma ka nisur nga ftesa që i është bërë këngëtarit serb Goran Bregoviç, për të performuar krahas këngëtarëve të njohur shqiptare. Ditën e sotme ka reaguar për herë të parë edhe tenori i njohur, Ramë Lahaj, përmes një postimi në profilin e tij në “Instagram”.
Lahej i bën thirrje publike kryeministrit të Shqipërisë, Edi Rama, që t’i thotë jo Bregoviçit. Teksa poston një foto ku shfaqet kreu i qeverisë së bashku me këngëtarin serb, tenori i drejtohet Ramës duke i thënë: “Tregohu burrë një herë në jetë e mos na lëndo më shumë”.
Postimi i Lahej:
“Z. @ediramaal po të drejtohem në emnin e të gjithë kosovareve, anulo Goran Bregoviqin!
Ai dhe kangët e tij që ishin himni i çetnikëve serb për të prerë fëmijët, nanat, motrat, vëllezërit e baballarët tanë nuk mund t’ jene në Shqipni për të festuar në festen e birrës. Zgjidh ke të duash nga artistet me mua në krye, ani pse nuk këndoj në festa birrash, por po të vij unë dhe gjithë koleget pa asnjë lloj detyrimi, me festu së bashku me muzikën tone të bukur shqipe. Po jo me atë që neve na i prenë fëmijët në djep . Tregohu burrë nji here në jetë e mos na lëndo ma shumë. Mos na i qit krip plagës. Unë jam vet artist, e misioni i artistit është me ndjellë paqe përmes artit, por ky rast asht krejt ndryshe dhe ju e dini pse! E sa i përket renditjes se kush erdh i pari e kush i mrami kur Shqipninë e dridhi tërmeti, n’ ketë punë renditja asht krejt e pa ransishme! Shipnija asht bo sofra e shtrati jone at ‘here kur çetniket serb me kangët e Goranit na i ka permys e djegë shpiat e baballarëve. Mos i rafte kurrë Shipnisë me u provu në të keq, se t’ madh e t’ vogël aty na ka.
Thuaj jo Bregoviqit z. Kryeministër! Shipnisë nuk i ka hije me bo dasem me dajre t’ çetnikëve.”-shkruan Lahej.
Diskutime rreth kësaj post