Messi tregon si është të luash me Mbappe dhe Neymar

Ylli i PSG-së, Lionel Messi më në fund ka thyer heshtjen duke folur për kalimin në “Parkun e Princave”. Argjentinasi nënshkroi me PSG për dy vite me opsion për një tjetër.

Ndërsa sot në konferencë për shtyp tha se ndihet i lumtur që do luajë pranë Neymar dhe Mbappe.

“Të luaj me Neymar dhe Mbappe është çmenduri dhe jam i lumtur për këtë. Transferime spektakolare dhe entuziazëm për të nisur. Është e bukur që do e shijojnë të gjithë”, – tha ylli i ri i PSG-së.

Ndërkohë, Messi do mbajë numrin 30 në fanellë, teksa do fitojë rreth 35 milionë euro për sezon.