Ky vit do të shënojë intensifikimin e konfIiktit midis Perëndimit dhe Rusisë për të ardhmen e Evropës Juglindore, por qeveria e re e SHBA “është kthyer aty” pas më shumë se një dekade tërheqjeje, tha ish-komandanti i përgjithshëm i NATO-s Gjenerali Philip Breedlove.
“Ky do të jetë një vit i konfIikteve në rritje midis Perëndimit dhe Rusisë për të ardhmen e Ballkanit Perëndimor,” – tha gjenerali në pension i Forcave Ajrore të SHBA, duke folur nga Florida për një tryezë virtuale për gazetarë ballkanas.
Ai tha se në fund të vitit të kaluar, ministri i Jashtëm rus Sergei Lavrov në “pelegrinazhin e tij politik” shënjestroi dy vende që “lejojnë Moskën të ndjekë politikën e saj rajonale “përça dhe sundo”- Bosnjen dhe Serbinë.
“Moska do të vazhdojë të kundërshtojë me forcë përparimin e Bosnjes drejt Bashkimit Evropian dhe Serbia do të zbatojë të ashtuquajturin projektin e saj të Serbisë së Madhe për Kosovën, Malin e Zi dhe Bosnje”, – parashikon Breedlove, njëherësh dhe një ekspert i sigurisë.
Gjenerali amerikan, i cili e quan Sekretarin e ri të Mbrojtjes të SHBA Lloyd Austin një “mik të mirë” dhe ka punuar shpesh me Presidentin Joe Biden në të kaluarën, ndërsa ai ishte një senator dhe Zv.president, pretendon se është “lajmi i mirë” fakti që qeveria e re amerikane e ka bërë të qartë veten drejt NATO-s dhe Evropës Juglindore.
“Presidenti i ri do ta sjellë Amerikën përsëri në Evropë për të qenë përsëri pjesë e udhëheqjes atje,” pas 12 vjetësh “tërheqjeje” amerikane nga Kontinenti i Vjetër,” – theksoi ai.
Breedlove tregon se ai “refuzon të jetë politikan” sepse ka besimin e të dy partive politike në Uashington, “kështu që ai nuk dëshiron të tjetërsojë gjysmën e audiencës”, por tha se njerëzit e emëruar nga qeveria e Biden janë të përkushtuar fuqimisht në NATO dhe i njohur me kontekstin gjeopolitik evropian dhe Ballkanin Perëndimor.
“Unë mendoj se do të shihni një lloj të përshtatshëm të vëmendjes së SHBA”, – tha ai.
Duke komentuar mbi forcimin e përshpejtuar ushtarak të Serbisë, Breedlove tha se NATO duhet të jetë më e hapur në veprimet e saj mbi zhvillimet në Ballkan.
“Një pjesë e të kuptuarit të problemit është pranimi se ai ekziston dhe kategorizimi i tij. Unë mendoj se do të ishte shumë e dobishme nëse udhëheqja e NATO-s do të ishte më e drejtpërdrejtë në lidhje me këto shqetësime, dhe reagon me punë diplomatike dhe politike në rajon”.
Duke folur për idenë e krijimit të një ushtrie të përbashkët evropiane, e cila mori rëndësi pasi Presidenti i mëparshëm Donald Trump mbajti një qëndrim “më të ftohtë” ndaj NATO-s dhe partneritetit me Evropën, Breedlove vuri në dukje se gjithçka që vendet e Bashkimit Evropian bëjnë për ushtrinë e tyre është e mirë dhe për NATO-n, sepse shumica e tyre janë pjesë e të dy aleancave.
“Ajo që nuk është e mirë është kur një vend investon në kapacitetet që NATO tashmë ka,” – tha ai.
Ai shtoi se armiqtë e Aleancës së Atlantikut të Veriut po përpiqen me forcë të ndikojnë në opinionin publik të Perëndimit, se NATO nuk ka gjetur ende një përgjigje për Iuftën për informacion në atë “zonë gri”, por se është një temë gjithnjë e më e zakonshme brenda Aleancës.
Diskutime rreth kësaj post