Sekretari i Përgjithshëm i Partisë Demokratike, Gazment Bardhi ka kërkuar hetimin e Kryeministrit Edi Rama, pasi ky i fundit u shfaq duke udhëtuar me helikopter të ushtrisë ditën e sotme teksa vendi përballet me zjarret.
Të turpshme,të papërgjegjshme dhe të pafalshme e ka quajtur Gazment Bardhi përdorimin e helikopterit të ushtrisë për udhëtime private teksa vendi digjet.
Një shpërdorim i tillë i burimeve shtetërore, gjatë një emergjence që po kushton jetë dhe po dëmton pasurinë natyrore të vendit, nuk mund të jetë thjesht skandali i radhës, por duhet të trajtohet nga drejtësia si një krim për t’u hetuar dhe ndëshkuar, thekson Bardhi.
“Të përdorësh helikopterin e ushtrisë për udhëtime private, ndërsa vendi digjet dhe mjetet për shuarjen e flakëve janë krejtësisht të pamjaftueshme është e turpshme, e papërgjegjshme dhe e pafalshme! Shqiptarët e kanë të qartë se janë braktisur nga ky regjim që punon vetëm për veten dhe klientët e tij.
Një shpërdorim i tillë i burimeve shtetërore, gjatë një emergjence që po kushton jetë dhe po dëmton pasurinë natyrore të vendit, nuk mund të jetë thjesht skandali i radhës, por duhet të trajtohet nga drejtësia si një krim për t’u hetuar dhe ndëshkuar!”, shkruan Gazment Bardhi.
VIDEO:
Diskutime rreth kësaj post