Avokati i njohur Ylli Manjani ka bërë një reagim në kuadër të 5 vjetorit të Reformës në Drejtësi. Manjani ka shprehur rezervat e tij duke u shprehur se një reformë nuk zgjat kaq kohë por një transformim i menjëhershëm.
Postimi i Manjanit:
“Nuk ka reformë që zgjat! Përndryshe nuk quhet reformë.
Kaluan 5 vjet dhe ende nuk i duket fundi.
Në asnjë përkufizim koncepti, libër apo leksion menaxhimi nuk e quan dot reformë në veprimtari të tillë!
Reformë quhet një transformim i menjëhershëm përmirësues i sjelljes apo veprimtarisë së një institucioni.
Por 5 vite, plus nuk dihet sesa vite të tjera, nuk ka lidhje me fjalën “menjëhershëm”. Aq më pak vakumet e tmerrshme në gjykata e Prokurori të quhen përmirsim.
Mund ta quash sistem, rregjim por jo reformë.
Kjo ishte një deformim, jo reformim!
Ishte dhe mbeti një veprimtari politike që goditi persona jo fenomene. Një deformë që po krijon një kastë gjykatësish e prokurorësh që veprojnë nën presion dhe jo të pavarur.
Nëse kjo deformë diplomatikisht quhet sukses, le të guxojnë ambasadorët ta prezantojnë në vendet nga ata vijnë.
Na hapën barkun me histori virtuale suksesi.
Dështimi nuk mund të shitet pafundësisht si sukses!
Deforma nuk quhet dot reformë!
Dhe të mos pranosh deformën është qytetari. Mesa dimë eehe në Perëndim kështu quhet: qytetari!
Unë nuk jam që opozita të japë konsensus për ti zgjatur jetën kësaj deforme!
Jo pa bërë më parë një vlerësim të plotë e të detajuar përse vendimi konsensual i para 5 viteve u shndërrua në deformimin më të rëndë pas komunizmit të drejtësisë dhe shtetit.”-shprehet Manjani.
Diskutime rreth kësaj post