Analisti i njohur Frrok Çupi ditën e djeshme deklaroi se ish-kryeministri Sali Berisha e di fatin e tij dhe sesi do të përfundojë.
Çupi tha se Berisha si i korruptuar dhe i akuzuar për minim demokracie, duhet që të largohet nga vendi. Lidhur me Bashën, analisti tha se ai është thjesht i zgjedhuri i Berishës, të cilit Berisha mund t’i bëjë shantazh shumë kollaj. Sipas Çupit, Berisha e di se ka njerëz që do të vazhdojnë të bërtasin për të, duke nënkuptuar kështu influencën e tij.
“Unë them se Berisha e di fatin e vet e di se ku do përfundojë, nëse Berisha pasi Amerika e ka në krye si të korruptuar dhe nëse ai kthehet si personalitet i lartë duhet të largohet Shqipëria nga vendi dhe të rrijë Berisha se s’ka mundësi tjetër, ai është në top listë për korrupsion të rëndësishëm dhe minues i demokracisë. Kurse Basha është i zgjedhuri i Berishës, ai është vënë që kryetar të jetë Berisha, Berisha e di se ç’po ndodh dhe do t’i bëjë shantazh Amerikës me ato poza në PD, do t’i bëjë dhe shantazh Bashës dhe të tjerëve që mund të mendojnë për një PD ndryshe dhe e treta e di ai që njerëz që do bërtasin për të do ketë përherë”, – u shpreh ai.
Po ashtu Çupi u shpreh se PD nuk mund të rithemelohet pasi po i fiket kandili. Ai tha se nuk do të ketë më ringjallje për PD, pasi sipas tij, kjo parti është duke u mbytur e duke vdekur.
“Fjala rithemelim do të thotë që ta përfytyrosh PD si amebë dhe ku do ta presësh, ka një histori të tjerë, çdo mbash e do lësh. Nuk kam parë në botë parti të ndërtuara, se si mund të bëhet kjo në PD, unë them se PD po i fiket kandili, dhe nuk ka më ringjallje. Është duke vdekur, duke u mbytur, kjo nuk është fatkeqësi se kërkesa për pluralizëm del prej vetë tokës”, – u shpreh Çupi.
Po ashtu më herët, Çupi u shpreh se Partia Demokratike do të përfundojë në rrugën që po ecën edhe Berisha, në gjyqe, dënime e burgje. Sipas tij, Basha në atë parti është qen roje i bizneseve të Berishës dhe i krimeve të tij.
Diskutime rreth kësaj post