Analisti Frrok Çupi ditën e djeshme lëshoi një deklaratë të fortë lidhur me Partinë Demokratike. Ai deklaroi se një sërë emrash nga PD do të shkojnë në SPAK, për krime shumë të rënda si dhe për strehimin e këtyre kriminelëve teksa akuzoi ish-kryeministrin Sali Berisha. Çupi tha se PD është një stan i mbushur me kriminelë, ndër të parët që kanë qenë në pushtet. Sipas analistit, do të vendosen para drejtësisë. Ata emra që kanë bashkëpunuar me krimin dhe Berishën.
“Një pjesë e mirë e emrave janë për SPAK për krime shumë të rënda. I ke për ato që kanë kryer krime shumë të rënda dhe fuqinë për t’i strehuar në PD. I strehon Sali Berisha. Ka dy probleme, problemi i parë është se ato nuk ekzistojnë dhe tani ekzistojnë për PD. PD është një stan, mos të harrojë se ka marrë njerëz që nuk ishin. Këta janë njerëzit e parë që janë evidentuar si kriminelë në pushtet. Kjo është një shtëpi që janë strehuar disa njerëz të rrezikshëm që kanë bashkëpunuar me krimin gjatë periudhës së qeverisjes me PD dhe janë bashkëpunëtorë të Sali Berishës”, tha Çupi.
Po ashtu ai tha se PD nuk është shkëputur nga ajo që duhej të ishte shkëputur, duke iu referuar kështu largimit nga Berisha. Ai u shpreh se PD më vonë do të konsiderohet si një parti kundër interesave të SHBA. Sipas tij, PD është në një situatë reanimacioni pasi nuk dihet ende nëse Berisha do ta braktisë apo do ta marrë me vete.
“Do ndodhë dëm i madh edhe në këtë moment PD nuk është shkëputur nga ajo që thotë SHBA të shkëputet. Në rregull nuk do, sepse nuk e detyron askush. Por një ditë do të konsiderohet një parti që veproi kundër interesave të SHBA dhe u cilësua si një parti apo grupim antiamerikan. Sot PD është në reanimacion dhe është në pikëpyetje do të rezistojë pas Berishës apo do ta marrë Berisha me vete. Ka qenë një tallje për PD se ne kemi fituar, kjo është sëmundje me thënë të vërtetën edhe në periudhën e para ‘90 është konstatuar në mënyrë shumë qesharake”, deklaroi Çupi.
Diskutime rreth kësaj post