“Rama të çon në SPAK”, shpërthen Manjani dhe lëshon paralajmërimin e fortë: Në darkë bëhet edhe një arrest

Ish-ministri i Drejtësisë, Ylli Manjani ka dalë me një reagim të fortë në rrjetet sociale për aksionet e fundit të SPAK ndaj zyrtarëve të lartë.

Nisur nga ultimatumi që Rama iu dha dje ministrave se do t’i çojë vet në SPAK, Manjani ngre shqetësimin se kryeministri është urdhëruesi i hedhjes në aksion të SPAK.

Postimi i plotë:

“Lajm:

“…Do ju çoj në SPAK…”- u thotë Rama ministrave.

Vu lajmet. Faqet e para të gazetave. Breaking news-et. Në darkë bëhet dhe një arrest shtëpiak. Prap Rama në lajme.

Rama të çon në SPAK. Ky i fundit vepron menjëherë.

Mirëpo asnjërit prej lajmeve nuk i bën përshtypje më lidhja e drejtpërdrejtë Rama-SPAK!!! Rama denoncon SPAK-u vepron.

Asnjërit prej lajmeve nuk u shkon ndërmend ti referohet ligjeve që thonë se SPAK është i pavarur. Pavarësia është në radhë parë nga Kryeministri.

SPAK u shpik për t’iu sulur Kryeministrit dhe jo për ti zbatuar urdhërat/sugjerimet/anoncimet publike të Tij, me qëllim të pastër politik.

Asnjë lajm nuk e sheh këtë sjellje vetdenoncuese të Kryeministrit si kontroll ose minimalisht ndikim në pavarësinë e SPAK!!!

Morfologjisë së fjalive të lajmeve, krahas koncepteve klasike:

Kryefjalë-SPAK.

Kallëzues- opozita/individët/shoqatat

I shtohen edhe:

Urdhëruesi- Kryeministri

Rrethanorët- Ambasadorët…

Reformë jo shaka!”, – ka shkruar Manjani.