Deputetja e zgjedhur Grida Duma, foli për propozimet për ndryshimet statutore në PD, të cilat pritet të miratohen më 17 korrik nga Kuvendi Kombëtar.
“Do të kisha dashur të shikoja sa më tepër propozime statutore serioze. Unë do të jem një partizane që gjërat nuk duhen paragjykuar. Idetë e mira kanë ditur të gjejnë rrugën e vetë. Idetë e mira kanë ardhur edhe nga kundërshtitë. Në arenën e politikës shqiptare, PD është partia që ka pasur kritikat më të shumta, madje shpesh edhe se qeverisja. PD absolutisht nuk ka asnjë pengesë për të thënë kritikat brenda dhe jashtë PD-së, të cilat janë kthyer shpesh edhe në një telenovelë që e ka tejkaluar diskutimin politik. Nesër do të zhvillojmë një mbledhje sa i përket propozimeve. Unë po i shqyrtoj të tria propozimet e ardhura”.
Por çfarë propozon Grida Duma, në mënyrë që PD të përmirësojë performancën? “PD është një parti që strukturën e saj partiake nuk mund ta ketë konjukturaliste si PS-ja. PS-ja e ka disiplinën e trashëguar ndër vite sa i përket metodikës së punës sepse edhe trashëgon një fashë elektorale, e cila është 70-vjeçare. Nuk është më një sekret se disiplina e së majtës është një disiplinë populiste në të gjithë botën, ka një lloj ushtrie brenda saj. PD-ja, sipas meje, këtë koncept të ushtrisë duhet ta eliminojë. PD është parti e kontributeve të të gjithëve që të maten me peshën specifike”.
Më tej, Grida Duma theksoi se edhe PD-ja duhet të rivitalizohet. “PD-ja duhet të rivitalizojë të gjithë mënyrën se si i përshtatet shoqërisë. Është një parti që duhet të bashkojë frymën dhe metodën. Unë nuk hyj te gjykimet, por tek analiza e asaj që do të duhet të ndodhë. PD ka individualitete. Ngjyrimet duhet të bëhen të dukshme. Unë mendoj se personalitetet politike nuk prodhohen brenda 2 muajve. Disa që janë të spikatur dhe i janë larguar konsumit janë një grup i mirë për t’u motivuar dhe për t’u çuar në drejtime të ndryshme.
Për mua nuk ka as të vjetër dhe as të rinj, zero. Ka njerëz që dinë të kontribuojnë dhe janë të vlefshëm gjatë gjithë jetës së vet. Këtu e rëndësishme është nëse je i vlefshëm apo jo. Unë do të isha për qartësinë e vlerës së individualiteteve që kemi aty”, – u shpreh Grida Duma për A2.
Ndërkohë, Duma u shpreh se Basha nuk i ka bërë ndonjëherë, të paktën publikisht, luftë të ndryshmes.
Diskutime rreth kësaj post