Avokat Spartak Ngjela dje ka paralajmëruar se në rrjetën e SPAK këtë herë do të bien disa ministra nga qeveria aktuale. Duke folur në një intervistë televizive ai u shpreh se vetë përfaqësues të PS i kanë bërë me dije se 3-4 emra nga radhët e ministrave do përfundojnë në SPAK. Duke komentuar arrestimin e kryebashkiakut të Lushnjes, Ngjela deklaroi se korrupsioni i vërtetë bëhet nga ministrat dhe aty duhet të shkojë SPAK.
“Te seksioni A janë multimilionerë dhe kanë lidhje me krimin e organizuar. Korrupsioni pa krimin e organizuar nuk bën dot gjë dhe e anasjelltë. Në këto momente jemi në sektorin B. Kur të kalojmë te sektori A, mund të ketë revolta shoqërore. Pyetja është pse nuk e bënë revolucionin në datën 26. E lajmëroi Meta dhe Basha. Sepse në 27 erdhën 8000 trupa. Amerikën do mundin këta?! Dora e ligjit do shkojë deri te ish-kryeministrat. Ministrat janë të pambrojtur. Në momentin kur nuk isha prishur me këta më ka thënë më rrezikohen 3 ose 4 ministra. Reforma në Drejtësi në Shqipëri ka rrëzuar dy kryeministra se nuk e pranonin”, tha ai.
Ngjela u shpreh se korrupsioni ka shkatërruar tregun dhe ka eliminuar konkurrencën. Ai tha se ministrat e vendit janë më të korruptuarit pasi fillimisht nxjerrin paratë e atyre që i kanë emëruar dhe më pas fitojnë për vete. Sipas Ngjelës shembulli është blloku i presidentit Ilir Meta, ku ky i fundit i shkoi në zyrë Dritan Priftit dhe i kërkonte 700 mijë euro.
“Korrupsioni ka shkatërruar tregun. E tha dhe Rama që ka eliminuar konkurrencën. Triumfon klientela. Ministri korruptohej për të nxjerrë paratë dhe pastaj fitonte për vete. Shqipëria është në otomanizëm. Tani ky në qoftë se nuk mblidhje provat në mënyrën e shërbimeve nuk bëhej. Pse i vajti Meta ministrit dhe i tha nuk më ke dhënë 700 mijë? Pashai pra i emërimeve. Ne ramë në otomanizëm të thellë sepse Shqipëria pati një fat të mirë. Doli ari që ishte fshehur dhe filluan edhe prurjet e emigracionit. Pati një fluks paraje dhe këta e vodhën. Kanë shkatërruar tregun dhe kjo ka sjellë një dëm shumë të madh”, tha ai.
Ngjela po ashtu u ndal edhe tek hetimet e SPAK lidhur me aferat e ish-kryebashkiakut të Lushnjes, Fatos Tushe. Avokati u shpreh se ka patur një korrupsion masiv, por jo të gjitha mund të zbulohen për shkak të sekreteve hetimore. Lidhur me to avokati u shpreh se nuk ka gjë në dorë kryeministri Edi Rama, por institutet e SHBA. Sipas tij, Institutet që përdor SHBA për Shqipërinë nuk punojnë dot pa mazhorancën teksa shtoi se ajo është e vendosur në funksion të reformës në drejtësi.
“Hetimi është shkencë nuk është dëshirë dhe ka rregullat e veta. Ka qenë masiv korrupsioni. Mos prisni që të shpërthehet hetimi. Rama nuk ka gjë në dorë. Flet politikisht sepse ka mazhorancën. Institutet që përdor SHBA për Shqipërinë nuk punojnë dot pa mazhorancën. Po të dojë mazhoranca e ndalonte. Mazhorancën ky e vuri në funksion të reformës në drejtësi duke nxjerrë dy institucione që me opozitën nuk do dilnin”, deklaroi ai.
Diskutime rreth kësaj post