Kryeparlamentari Gramoz Ruçi mbajti sot fjalën e tij të fundit në Kuvend. Pasi përfundoi fjalën e tij përshëndetëse, Ruçi u surprizua nga deputetë e Kuvendit të cilët u ngritën në këmbë dhe i dhuruan më pas buqeta me lule.
Ruçi numëroi ligjet e miratuara prej Kuvendit, theksoi rëndësinë e punës së bërë nga institucionit që ai drejton në lidhje me miratimin e ligjeve të reformës zgjedhore, reformës në drejtësi dhe çeljes së negociatave me bashkimin evropian.
“231 ligje u miratuan gjatë periudhës së pandemisë, ku rreth 80 ligje ishin në funksion të përballimit të kësaj pandemie. Gjatë vitit 2017-2021 parlamenti miratoi paketën e dytë të reformës në drejtësi, ku përfshihen ligji për SPAK-un, ligji për Gjykatën Kushtetuese, ligji për Kodin e ri Civil dhe Kodin e ri Penal. Gjatë kësaj legjislature u zgjodh Këshilli i Lartë Gjyqësor dhe Gjykata Kushtetuese.
Kuvendi Zgjodhi Inspektorin e Lartë të Drejtësisë. Gjatë kësaj legjislature, me kërkesë të tre deputetëve u ngritën 3 Komisionet Hetimore. Në këtë legjislaturë u mor vendimi për çeljen e negociatave, duke shënuar një fitore për të gjithë shqiptarët, por që nuk duhet mohuar dhe kontributi i Kuvendit në këtë pikë. Gjatë kësaj legjislature Kuvendi miratoi 47 projekt-ligje për përafrimin e legjislacionit shqiptar me atë të BE-së. manuali përmban udhëzime që deputetët duhet të ndjekin për përafrim e legjislacionit të Shqipërisë me atë evropian. Gjatë kësaj legjislature miratuam 5 rezoluta.
Kolegëve tanë ua bëmë të qartë që Shqipëria ka vetëm një plan A dhe ky është integrimi në Bashkimin Evropian. Mbajtja e Konferencës së Parë Ndërqeveritare nuk varet më nga ne por nga qëndrimi i disa nga vendeve anëtare”, – u shpreh Ruçi.
Diskutime rreth kësaj post