“Ballkani Perëndimor i përket familjes sonë europiane, por kemi ende shumë për të bërë”, – kështu u shpreh presidentja e Komisionit Europian, Ursula von der Leyen në konferencën për shtyp së bashku me presidentin e Parlamentit Europian, David Sassoli dhe kryeministrin slloven, Jansa.
“Aspirata jonë duhet të jetë pajtimi i kësaj familjeje europiane”, – theksoi ajo.
Ursula von der Layen, e cila foli menjëherë pas kryeministrit slloven, e përshëndeti gatishmërinë e Sllovenisë për ta kthyer Ballkanin Perëndimor në rendin e ditës, ndër të tjera me organizimin e samitit të tetorit.
”Jam e bindur që samiti me Ballkanin Perëndimor do të dërgojë një sinjal të rëndësishëm për vendet e interesuara se ata janë partnerë thelbësorë strategjikë për BE-në dhe shpresoj që presidenca sllovene të jetë në gjendje ta japë dritën jeshile për procedurat me Maqedoninë e Veriut dhe Shqipërinë. Kjo është në interesin tonë personal dhe është një çështje kredibiliteti, një premtim i bërë në BE duhet të përmbushet”, – theksoi ajo.
Diskutime rreth kësaj post