Juristi Romeo Kara ka reaguar dje në lidhje me arrestimin që iu bë prokurorit të Vlorës dhe shefit të sektorit kundër trafiqeve në Policinë e Shtetit. Sipas juristit, në vende të tjera do konsiderohej paradoks që këta personazhe arrestohen për trafik droge dhe korrupsion, por në vendin tonë janë ngjarje të zakonshme. Për këtë arsye, Romeo Kara ka deklaruar se vetingu duhet të kishte filluar së pari për politikanët dhe punonjësit e Policisë së Shtetit. Sipas tij, shkeljet dhe korrupsioni i tyre ka arritur kulmin dhe tashmë po iu vjen fundi. Juristi tha se ata e dinë që po iu këputet filli i bandave të krijuara prej vitesh prandaj dhe ndihen të frikësuar.
“Sektori kundër trafiqeve është kthyer plotësisht në sektorin e trafiqeve apo ne kartelin kryesor të trafikut. Policia duhet të hynte e para në veting së bashku me politikën. Është politika e pavettinguar ajo që qelb në çdo sektor shtetin dhe shoqërinë. Le të krekosen prapë tani gjysmëgjelat që drejtojnë shtetin, të dehur nga delirantizmi dhe rënia morale e shoqërisë me pseudoarritjet e tyre. Zullumi po këputet pikërisht sepse është trashur përtej çdo sensi”, shkruan ai në Facebook.
Romeo Kara është shprehur me tone të ashpra se të gjithë pushtetarët dhe zyrtarët në vend duhet të hetohen dhe ndëshkohen sepse grupet kriminale ndërtohen e drejtohen nga vetë ata. Sipas tij, është e turpshme që ne i vendosim në krye për të luftuar krimin dhe ata janë vetë krimi.
“Mjafton vetëm një operacion të kryer me imponim nga jashtë, për të parë bashkë në të njëjtin llum: politikanë, prokurorë, policë, pushtetarë, trafikantë e biznesmenë. Pikërisht ky është krimi i organizuar dhe kjo është fytyra e vërtetë e Shqipërisë, të shpallur tokë e zanun nga ky krim. Tani më vjen ndërmend vetëm shprehja: “Nuk ka gjë më të keqe se një polic i keq”. Neveri dhe urrejtje për ketë kategori të fëlliqur tradhtarësh të vendit të tyre”, u shpreh juristi.
Diskutime rreth kësaj post