Thirrja e tryezës së parë ndërqeveritare mes Shqipërisë dhe Bashkimit Europian mund të realizohet vetëm në muajin tetor. Në Luksemburg janë mbledhur sot ministrat e Jashtëm të vendeve anëtare dhe Bullgaria nuk është tërhequr nga veto për Maqedoninë e Veriut.
Ish-ministri i Drejtësisë Ylli Manjani shprehet se kjo është një ditë e trishtë.
“Është e trishtë që ende nuk kemi një datë për t’u ulur në bisedime me BE-në. Dita që sot prisnim, s’nuk!
Çdo ditë e kaluar pa këtë datë është vetëm dëm për ne.
Ato bisedime do ta disiplinonin tërësisht edhe rolin konfuz të BE në marrëdhënie me ne. Një konfuzion që u instalua që në kohën e shoqeve Mogherini e Vllahutin e po vijon në absurd me sjelljen e shokut Sorecca.
Ky i fundit flet për Shqipërinë e gjerbërt duke bërë show politik me qeverinë përgjatë inagurimit të rikonstruksionit të ujsjellësit të Kamzës… Të kishin mbjellë ndonjë pemë hajde de, po thjesht inaguruan mbjellje tubash.
Negociatat janë instrumenti që i hedh në kosh të gjitha këto pislliqe shokësh e shoqesh… Po s’qenka e thënë!”, shkruan Ylli Manjani.
Diskutime rreth kësaj post