Suedia ndjen aromën e kualifikimit i mjafton një penallti për të mundur Sllovakinë

Suedia ka fituar me rezultatin 1-0 ndaj Sllovakisë në ndeshjen e vlefshme për grupin E në Kampionatin Europian. Suedezëve u ka mjaftuar një penallti e shndërruar në gol nga Forsberg në minutën e 77-të për të marrë kryesimin e grupit, duke hedhur një hap të sigurt drejt kualifikimit.

Ndërkohë edhe Sllovakia ka ende shpresë për t’u kualifikuar, pasi në ndeshjen e fundit do të luajë me Spanjën, por edhe humbja me iberikët mund t’i mbajë ende në lojë, duke kaluar në turin tjetër si një nga vendet e treta më të mira.