Edith Harxhi nxjerr skandalin: Qindra demokratë nuk kanë votuar! Ja çfarë më tha Komisioni Zgjedhor kur i kërkova listat

Ish-kandidatja për kreun e PD, Edith Harxhi, ka komentuar zgjedhjet në Partinë Demokratike.

Ajo ka deklaruar se nga listat janë përjashtuar rreth 25 mijë demokratë, të cilëve u është mohuar e drejta për të votuar në zgjedhje.

“Na është shkelur e drejta për të zgjedhur për t’u zgjedhur. Janë përjashtuar nga listat 25 mijë anëtarë. Tre javë para zgjedhjeve Basha deklaroi se PD ka një anëtari prej 106 mijë anëtarësh, ndërkohë komisioni e nxori se janë 75 mijë anëtarë. Njerëzit kanë votuar me kontrabiletë për arsye se nuk kanë pasur kartë anëtarësie.

Ka qindra e mijëra demokratë që edhe pse nuk kanë pasur kartë anëtarësie nuk kanë mundur të votojnë. Ne na është mohuar e drejta e listave. Unë i kam kërkuar Komisionit zgjedhor, por ata kanë kthyer një përgjigje zyrtare që listat nuk mund të bëhen publike për shkak të dhënat konfidenciale”, tha Harxhi për Ora News.