“Askush nuk është i tepërt në PD”, Belind Këlliçi ka një kërkesë për Kadillin, Shehajn dhe Harxhin

Deputeti i zgjedhur i Partisë Demokratike, Belind Këlliçi ka folur në lidhje me zgjedhjet brenda Partisë Demokratike.

Duke folur për deklaratën e Fatbardh Kadillit i cili tha se pavarësisht humbjes ai nuk do japë dorëheqjen nga PD, Belind Këlliçi e vlerësoi shumë këtë qëndrim. Ai theksoi se askush nuk është i tepërt në PD, duke i shtrirë dorën kështu kandidatëve që morën pjesë në zgjedhje Edith Harxhi, Fatabardh Kadilli dhe Agron Shehaj të vazhdojnë të kontribuojnë.

“Askush nuk ka përse të largohet dhe më vjen mirë për këtë deklaratë. Unë e njoh personalisht zotin Kadillin. Ka 3 dekada që militon në PD. Që bën betejat e tij personale, gjithmonë kuadër të programit të PD. Më vjen mirë që ka mbajtur këtë qëndrim, sepse ka një eksperiencë të vyer. Askush nuk është i tepërt në PD.

Ka individë që gabojnë në PD. Nuk mbizotëron kulti i individit në Partinë Demokratike. Kjo është një kulturë vetëm në Partinë Socialiste. Më vjen keq që kam parë atë shfaqje të shëmtuar në Kongresin e 80 vjetorit të Partisë së Punës dhe jo në 30 vjetorin e PS-së. Një parti që ka ndryshuar emrin nga Partia e Punës në PS,” tha Këlliçi.