Kryeministri Edi Rama në fjalën e tij në Kongresin e Jashtëzakonshëm të Partisë Socialiste, ka bërë një paralajmërim të fortë, ku është shprehur se në këtë mandat qeveria do të kërkojë hesap për të gjithë, përfshirë këtu ministrat dhe deputetët.
“Mandati i tretë përputhet me drejtësinë. Flamuri i PS nuk do të bëhet mbulesë për asnjë ministër, deputet, drejtor, shef, nëse drejtësia e re do të kërkojë hesap prej tij apo prej saj. E kemi parë që na është dashur të ndeshemi me këtë sfidë. Partia nuk mban përgjegjësi për askënd që shkel në dërrasë të kalbur. Reagimi ynë do të jetë edhe më i qartë e i prerë. Ik sqarohu para drejtësisë me avokatin tënd. PS është mbështetësja, garantja e reformës në Drejtësi. Reforma në drejtësi dhe lufta kundër drejtësisë së vjetër është vijë ndarëse, mes PS dhe kujtdo brenda nesh që hyn në gjynah me popullin duke abuzuar me detyrën”, tha Rama.
Diskutime rreth kësaj post