Gramoz Ruçi dha dorëheqjen, reagon ‘flakë për flakë’ Astrit Patozi dhe jep mesazhin e fortë

Astrit Patozi ka reaguar ‘flakë për flakë’ për dorëheqjen e Gramoz Ruçit nga çdo funksion politik në PS. Patozi shkruan se të ikësh është meritë dhe e vlerëson Ruçin për këtë vendim të tijin, pavarësisht se gjithmonë e ka pasur kundërshtar politik.

Deklarata e Patozit:

“TË DISH TË IKËSH ËSHTË MERITË

E kam pasur gjithë jetën time politike përballë si kundërshtar. Por kjo nuk më pengon aspak të shpreh respekt dhe vlerësim për vendimin e sotëm të Gramoz Ruçit.

Ndoshta ishte rastësi, por fakti që e shpalli atë në stadium të kujtonte ata futbollistët e famshëm, të cilët e kanë lënë sportin në kohën e duhur, pa u zvarritur dhe pa e provuar shijen e hidhur të stolit.”, shkruan Patozi.