Analisti i njohur, Adri Nurellari thotë se Partia Demokratike hyri në zgjedhje e pozicionuar keq duke varur shpresat në fitorja vetëm tek Lëvizja Socialiste për Integrim. Sipas tij, PD edhe pas rezultatit po vazhdon të gabojë duke mos bërë reflektim.
“Martesa e detyruar me LSI e ka nisur keq lojën që në fillim duke u pozicionuar parti e dytë dhe që e kishte fitoren me shpresë vetëm si parti me patericat e LSI. Dhe retorika që po bëhet sot është se opozita është vetëm 30 mijë vota larg, por e vërteta është se PD ka një hendek shumë të thellë me PS. Kjo kërkon reflektim dhe kurajë me pa veten në pasqyrë”, – deklaroi ai.
Sipas Nurellarit, PD duhet të mësojë nga ajo çfarë i ka ndodhur partisë simotër të saj në Kosovë, LDK-së e cila duke mos reflektuar dhe marrë përgjegjësi ka humbur një masë të konsiderueshme të elektoratit.
“LDK ka qenë partia e parë shqiptare pluraliste e themeluar që prej 1989. Në zgjedhjet e para të parë ka marrë 45.5% të votave. Në 2004 ka marrë 45.42 dhe prej atëherë nuk ka pasur asnjëherë më fitore dhe nuk ka pasur asnjëherë marrje përgjegjësi edhe reflektim duke bërë që të vijë duke u tkurrur. Në 2021 është katandisur në 12.7%. E bëj këtë paralelizëm se çfarë ndodh nëse nuk ka radiografi të brendshëm apo pasqyrë. Ky është një leksion i mirë për partitë e tjera sepse partitë që kanë rrëzuar komizmin janë të pakta që janë akoma në këmbë”, – deklaroi politologu për Euro News Albania.
Diskutime rreth kësaj post