Analisti Ben Andoni ka komentuar zhvillimet e fundit politike. Ai tha se çështja e shkarkimit të presidentit është një luftë brenda të majtës dhe se Ilir Meta kërkon një përçarje brenda kësaj force politike, por që nuk e arrin dot.
“Në madhësinë e problemeve janë mbi Shqipërinë mendoj që kjo mund të anashkalohej, se Presidenca me tagrin që ka, vetë autoriteti kryesor i protokollit që është presidenti, nuk është se ka shumë atribute”, – u shpreh ai.
“Ai tani lufton më shumë me tagrin e presidentit sesa me tagrin e Ilir Metës që për hir të së vërtetës ka peshë në historinë politike në vendin tonë”, – shtoi analisti Andoni.
Teksa komentoi qëndrimet e presidentit para dhe gjatë procesit zgjedhor Andoni tha se presidenti ka bërë një dëm jashtëzakonisht të madh për zgjedhjet shqiptare.
“Ka prishur jashtëzakonisht narracionin e opozitës, të partisë së tij. Ai ndikuar edhe për partinë e tij, madje edhe duke e dëmtuar atë”, – theksoi ai, teksa shtoi se diskursi apo ligjërimi i presidentit në shumë momente nuk ishte normal.
Sa i përket të ardhmes politike në vend, analisti shtoi se do të jetë një amulli.
“Do të jetë amulli, është një nga akuzat që Shqipërisë i është që në kohën e ekzistencës së saj, që shqiptarët nuk dinë të bëjnë shtet. Kjo është akuza më e madhe për politikanët shqiptarë”, – përfundoi ai në Euronews Albania.
Diskutime rreth kësaj post