Fitimi i Champions League ka bërë që klubi londinez i Chelsea të rishikojë edhe njëherë qëndrimet e saj kundrejt disa lojtarëve. Njoftimi i parë është rinovimi i kontratës së sulmuesit francez Olivier Giroud.
Klubi londinez njoftoi zyrtarisht zgjatjen një-vjeçare të marrëveshjes dhe për këtë arsye sulmuesi francez 34-vjeçar do të mbetet në fanellën e “bluve” deri në 30 qershor 2022, ndërkohë që bie “pista” e largimit të tij drejt “kuqezinjve” të Milanit.
Ndërkohë, klubi i Chelsea ka njoftuar gjithashtu në faqen e tij zyrtare në internet, se ata kanë ushtruar mundësinë për të rinovuar kontratën me mbrojtësin 36-vjeçar brazilian Thiago Silva, i cili do të mbajë të veshur fanellën e kampionëve të Europës edhe për një sezonin e ardhshëm.
Diskutime rreth kësaj post